Усы жылдың 19-21-декабрь күнлери Шыршық қаласында пара пауерлифтинг бойынша түрли жас аралығында мәмлекет кубоги ҳәм Орайлық Азия ашық чемпионаты болып өтти.
Қарақалпақстан Республикасынан, ўәлаятлардан ҳәм қоңсы мәмлекетлерден 400 ге шамалас спортшылар жеңимпазлық ушын өз-ара беллести. Жарыс жуўмағында Қарақалпақстан пара спортшылар командасы 7 алтын, 3 гүмис, 3 қола жәми, 13 медальды қолға киргизиўге миясар болды.
Қарақалпақстан хабар агентлиги.
Әжинияз атындағы Нөкис мәмлекетлик педагогикалық институтында ХХ әсир қарақалпақ әдебиятының көрнекли ўәкили, белгили шайыр, Бердақ атындағы мәмлекетлик сыйлықтың лауреаты Төлепберген Мәтмуратовтың туўылғанына 85 жыл толыўына арналған «Көкте қуяш қалсын, жерде жақсылық» атамасындағы республикалық илимий-теориялық конференция болып өтти.
Мухаммед ал-Хорезмий атындағы Ташкент информациялық технологиялар университети Нөкис филиалында Өзбекстан ҳәм Қарақалпақстан Республикаларына мийнети сиңген илим ғайраткери, Бердақ атындағы мәмлекетлик сыйлықтың лауреаты, Өзбекстан Илимлер Академиясының академиги, тарийх илимлериниң докторы, профессор Сабыр Камаловтың туўылғанының 100 жыллығына арналған еске түсириў кешеси болып өтти.
Соңғы жыллары елимизде сырт еллер менен бирге ислесиўге айрықша итибар қаратылып, бул бағдарда көплеген жумыслар әмелге асырылмақта. Әсиресе, жоқары оқыў орынлары тәрепинен алып барылып атырған ислер халқымыздың ертеңги күнге деген исенимин беккемлейди.
