Атап айтқанда:
- биргеликте қабыл етилген қарар ҳәм жойбарлардың орынланыўын жеделлестириў ушын ҳүкимет басшыларының орынбасарлары дәрежесинде Муўапықластырыўшы кеңес шөлкемлестириўди усыныс етти;
- товар алмасыўды көбейтиў ҳәм аўыл хожалығы өнимлерин жеткерип бериў процесслерин жеңиллетиў мақсетинде "Орайлық Азия - Россия агроэкспресси" жойбарын иске қосыўды усыныс етти;
- автомобиль, темир жол ҳәм авиация байланыслары тараўында миллий бағдарламаларды үйлестириў ушын мәмлекетлеримиз Транспорт-логистика контурын ислеп шығыў басламасын алға қойды;
- Бухара қаласында алдыңғы инженерлик шешимлерин ислеп шығыў ҳәм енгизиўге қаратылған "Орайлық Азия - Россия" санаат инжиниринг хабын шөлкемлестириўди усыныс етти;
- Ташкентте өткерилетуғын "Иннопром. Орайлық Азия" көргизбели форумына регионның тийкарғы санаат ҳәм инновация майданы статусын бериў усынысы менен шықты;
- атом энергетикасы бағдарында Регионаллық компетенциялар орайын Өзбекстанда шөлкемлестириў, сондай-ақ, Москва мәмлекетлик инженерлик-физика институтының Ташкент филиалы негизинде Кадрлар таярлаў бағдарламасын қабыл етиў басламасын билдирди;
- "Орайлық Азия ҳәм Россия энергетикалық шериклиги" комплексли бағдарламасын ислеп шығыў, сондай-ақ, углеводородларды излеў ҳәм қайта ислеў, энергия үнемлеўши ҳәм "жасыл" технологияларды енгизиў бойынша бирге ислесиўди
- Жасалма интеллект ҳәм санлы технологиялар бойынша Регионаллық эксперт кеңесин шөлкемлестириў, сондай-ақ, мәмлекетлерде "Сколково" инновация орайының филиалларын ашыўды усыныс етти;
- "Келешек инженерлери" консорциумын дүзип, Орайлық Азия ҳәм Россияның жетекши жоқары оқыў орынлары ҳәм илимий орайларының потенциалын бирлестириў және жас изертлеўшилер ҳәм илимпазлар ушын Арнаўлы грантлар бағдарламасын шөлкемлестириў идеясын алға қойды;
- ҳәр жылы өткерилетуғын Орайлық Азия ҳәм Россия халықларының мәденияты, көркем өнери ҳәм дөретиўшилиги фестивалы - Этномәденият форумын шөлкемлестириў усынысын билдирди;
- терроризм, экстремизм, киберқәўип-қәтерлер ҳәм адам саўдасына қарсы гүресиў бойынша биргеликте илажлар көриў әҳмийетли екенин атап өтти ҳәм Аўғанстан бойынша жоқары дәрежедеги мәсләҳәтлерди өткериўди усыныс етти.
