Усы күнлерде Кувейтте қылышласыў бойынша Азия чемпионатының жаслар арасындағы беллесиўлери болып өтпекте.
Қуўанышлы тәрепи, бул беллесиўлерде Өзбекстан сайланды командасы алтын ҳәм бронза медалларына ийе болды.
Ҳәзирги ўақытта сабля бойынша ерлер сайланды командамыздың жетекшиси болып турған Муса Аймуратов өз жас категориясында континент бириншилигинде теңсиз екенин көрсетип, алтын медалды қолға киргизди.
Аймуратовқа ярым финалда имканиятты қолдан берген Исламбек Абдазов болса бронза медалына ийе болды.
Түркияның Стамбул қаласында "Satellite" сериясындағы қылышласыў жарыслары болып өтти, онда Өзбекстан сайланды командасының спортшылары қатнасты. Турнир жуўмағында Муса Аймуратов бронза медалын қолға киргизди.
Бельгияның Гент қаласында қылышласыў бойынша «Flemish Open» халықаралық турнири болып өтпекте. Сабля бойынша Өзбекстан сайланды командасының ағзасы Зайнаб Дайыбекова бронза медалын қолға киргизди.
Қытайдың Уси қаласында қылышласыў бойынша жас өспиримлер ҳәм жаслар арасындағы жәҳән чемпионатының командалық бағдарламасында қатнасқан сабляшы жасларымыз қызлар ҳәм жигитлер арасындағы бағдарламаларда бронза медалларына ийе болды.
