Жарыстың жигитлер арасындағы беллесиўлери спортшыларымыз ушын әўметли өтти.
Кескин беллесиўлер жуўмағында Улуғбек Усмонов бронза медалына ийе болды. Минбердиң қалған барлық текшелерин италиялы қылышпазлар ийеледи.
Бүгин командалық бағдарламада жеңимпаз ҳәм сыйлы орын ийелери анықланады.
Еслетип өтемиз, алдын Ташкентте қылышласыўдың рапира бағдары бойынша жаслар арасындағы Жәҳән кубоги басқышы басланған еди.
Түркияның Стамбул қаласында "Satellite" сериясындағы қылышласыў жарыслары болып өтти, онда Өзбекстан сайланды командасының спортшылары қатнасты. Турнир жуўмағында Муса Аймуратов бронза медалын қолға киргизди.
Бельгияның Гент қаласында қылышласыў бойынша «Flemish Open» халықаралық турнири болып өтпекте. Сабля бойынша Өзбекстан сайланды командасының ағзасы Зайнаб Дайыбекова бронза медалын қолға киргизди.
Қытайдың Уси қаласында қылышласыў бойынша жас өспиримлер ҳәм жаслар арасындағы жәҳән чемпионатының командалық бағдарламасында қатнасқан сабляшы жасларымыз қызлар ҳәм жигитлер арасындағы бағдарламаларда бронза медалларына ийе болды.
