Қырғызстан ҳәм Өзбекстан пуқаралары қамсызландырыў төлемлериниң еки есеси төлемисиз, сондай-ақ, барлық қамсызландырыў стажы есапқа алынған ҳалда, қайсы мәмлекетте жасайтуғынына қарамастан, пенсия алыўы мүмкин. Бул ҳаққында Қырғызстан Республикасы Социаллық қоры ҳәм Өзбекстан Республикасы Бюджеттен тысқары пенсия қоры тәрепинен келисимге қол қойылды.
Тәреплер мәмлекетлик социаллық қамсызландырыў ҳәм пенсия тәмийнаты ҳаққында келисим жойбарларын, сондай-ақ, оны әмелге асырыў бойынша ҳәкимшилик келисимди муўапықластырып алды. Бул ҳүжжетлерде:
пенсия тайынлаўда қамсызландырыў стажын жыйнаў;
пуқараларға пенсияны тиккелей, жеткерип бериў қәрежетлери ушын төлемсиз, жеткерип бериў;
хызмет сапары даўамында ҳәм жумыс мүддетин созыўда еки тәреплеме услап қалыўды бийкарлаў нәзерде тутылған.
Сондай-ақ, келисимлерди муўапықластырыўда пайдаланылатуғын ҳүжжетлер формасы белгиленди, деп хабар береди economist.kg.
Социаллық қорда келисимлердиң әмелге асырылыўы еки тәреплеме қатнасықларды беккемлеўге ҳәм социаллық-экономикалық бирге ислесиў ушын, соның ишинде, "Қытай - Қырғызстан - Өзбекстан" сыяқлы ири инфраструктуралық жойбарлар шеңберинде де қосымша имканиятлар жаратылыўына хызмет ететуғыны атап өтилди.
