Президент Шавкат Мирзиёевтиң АҚШ пуқаралары ушын визасыз тәртип ҳаққындағы қарары исбилерменлик ҳәм гуманитарлық байланысларды кеңейтиўде әҳмийетли қәдем болатуғыны атап өтилди.
Президент пәрманы менен Америка - Өзбекстан исбилерменлер ҳәм инвестициялар кеңеси шөлкемлестирилип, оны муўапықластырыў мақсетинде Өзбекстанның АҚШтағы елшиханасы структурасында елшилер мәсләҳәтшиси лаўазымы енгизилмекте. Сондай-ақ, усы Пәрман тийкарында Өзбекстан резидентлери Өзбекстан банклериндеги есап бетлеринен қаржыларды еркин өткериўи - кәрханалар шөлкемлестириў, олардың капиталында қатнасыў ямаса АҚШтағы өз филиалларының есап бетлерин толықтырыўы мүмкин болады.
- Бул исбилерменлеримиздиң сыртқы экономикалық жумысын раўажландырыў, АҚШ пенен инвестициялық бирге ислесиўди беккемлеў, Өзбекстанның ашық, заманагөй экономика сыпатындағы жаңа имиджин қәлиплестириўде әҳмийетли қәдем, - деп атап өтти Саида Мирзиёева.
