Усы илаж шеңберинде Самарқанд ўәлаяты Туризм басқармасы тәрепинен ўәлаяттың туризм потенциалына байланыслы презентация көрсетилди. Илажда қатнасқан Японияның абырайлы туризм тараўының ўәкиллери Самарқандтың туристлик имканиятлары менен жақыннан танысты.
Илаж даўамында Самарқанд ўәлаятының мәдений бағдарламалары ҳәм көркем шығыўлары көрсетилди, сондай-ақ, өнерментшилик көргизбелери өткерилди. Бул көргизбелер япониялы мийманларда үлкен қызығыўшылық оятты.
Самарқанд ўәлаяты Туризм басқармасы ҳәм Японияның Нара префектурасындағы жетекши туризм компаниялары арасында сөйлесиўлер алып барылды. Ушырасыўлар нәтийжесинде келешекте еки тәреплеме бирге ислесиў байланысларын жаңа басқышқа алып шығыў бойынша келисимлерге ерисилди, деп хабар береди Туризм комитетиниң баспасөз хызмети.
