Колумбияның Богота қаласында қылышпазлықтың шпага бағдары бойынша Гран-при турнири болып өтти.
Онда Өзбекстан сайланды командасы ағзасы Вадим Анохин қола медалын қолға киргизди.
Жерлесимиз сайлап алыў басқышында Израил, Гонконг, Италия, Чехия ўәкиллерин жеңип шығыўға еристи. Бирақ ярым финалда қазақстанлы Руслан Курбановқа 14:15 есабында жеңилиске ушарды ҳәм жарысты үшинши орын менен жуўмақлады.
Түркияның Стамбул қаласында "Satellite" сериясындағы қылышласыў жарыслары болып өтти, онда Өзбекстан сайланды командасының спортшылары қатнасты. Турнир жуўмағында Муса Аймуратов бронза медалын қолға киргизди.
Бельгияның Гент қаласында қылышласыў бойынша «Flemish Open» халықаралық турнири болып өтпекте. Сабля бойынша Өзбекстан сайланды командасының ағзасы Зайнаб Дайыбекова бронза медалын қолға киргизди.
Қытайдың Уси қаласында қылышласыў бойынша жас өспиримлер ҳәм жаслар арасындағы жәҳән чемпионатының командалық бағдарламасында қатнасқан сабляшы жасларымыз қызлар ҳәм жигитлер арасындағы бағдарламаларда бронза медалларына ийе болды.
