Египет пайтахтында спорт гимнастикасы бойынша Жәҳән кубоги басқышы жуўмақланды.
Атап өтилиўинше, бул жарыста қатнасқан Өзбекстан сайланды командасы 2 бронза медалына ийе болды.
Ҳәр еки медалды да жигитлеримиз қолға киргизди. Абдулазиз Мирвалиев таянып секириў бағдарламасында 14.116 балл менен бронза медаль ийесине айланған болса, параллель брусда 13.866 балл топлаған еки мәрте Олимпиада ойынларының қатнасыўшысы Расулжон Абдурасулов та күшли үшликти жуўмақлап берди.
22-23-ноябрь күнлери Самарқанд қаласында көркем гимнастика бойынша «East Cup and Olympic Stars» халықаралық турнири болып өтеди. Онда Беларусь, Испания, Россия, Молдова, Түркия, Тәжикстан, Әзербайжан, Қазақстан, Қытай сыяқлы 12 мәмлекеттен ең күшли гимнастикашылар қатнасады.
Өзбекстан Республикасы Мектепке шекемги ҳәм мектеп билимлендириўи министриниң 2025-жыл 17-марттағы «Мектепке шекемги билимлендириў шөлкемлериниң педагог хызметкерлери ҳәм тәрбияланыўшылары арасында таңлаўлар, фестивальлар ҳәм жарысларды шөлкемлестириў ҳаққында»ғы 86-санлы буйрығын орынлаў мақсетинде, мектепке шекемги билимлендириў шөлкемлери тәрбияланыўшылары арасында «Гимнастикаға дәслепки қәдем» атамасында жарыстың Қарақалпақстан Республикалық басқышы өткерилди.
