Ташкент мәмлекетлик медицина университети шөлкемлестириледи

Қарарға бола:

- Ташкент медицина академиясы, Ташкент педиатрия медицина институты ҳәм Ташкент мәмлекетлик стоматология институты негизинде Ташкент мәмлекетлик медицина университети шөлкемлестириледи;

- Ташкент медицина академиясының орайлық илимий-изертлеў лабораториясы негизинде Медицина илимий-инновациялық изертлеў институтының жумысы жолға қойылады;

- Ташкент медицина академиясының Үргенш филиалы Үргенш мәмлекетлик медицина институты етип қайта шөлкемлестириледи;

- Ташкент медицина академиясының көп тармақлы клиникасы, Ташкент педиатрия медицина институты клиникасы ҳәм Ташкент мәмлекетлик стоматология институты клиникасы Ташкент мәмлекетлик медицина университети клиникалары етип қайта аталады;

- Ташкент медицина академиясының Термиз ҳәм Шыршық филиаллары Ташкент мәмлекетлик медицина университетиниң Термиз ҳәм Шыршық филиаллары етип қайта аталады;

- Ташкент медицина академиясының академиялық лицейи, Ташкент педиатрия медицина институтының академиялық лицейи ҳәм Ташкент мәмлекетлик стоматология институтының академиялық лицейи Ташкент мәмлекетлик медициналық университетиниң 1-, 2- ҳәм 3-санлы академиялық лицейлери етип қайта аталады.

Билимлендириў бағдарламаларын халықаралық медициналық билимлендириў стандартларына муўапықластырып, компетенцияларға тийкарланған медициналық билимлендириў бағдарламаларын енгизиў Университеттиң тийкарғы ўазыйпалары ҳәм жумыс бағдарларынан бири етип белгиленди.

Билимлендириў байланыслары жаңа басқышқа көтерилмекте

Нөкис қаласында халықаралық билимлендириў ҳәм илимий бирге ислесиў бағдарында әҳмийетли ушырасыў болып өтти. One Cloud академиясының қытайлы профессоры Су Юханг Бердақ атындағы Қарақалпақ мәмлекетлик университетине барып, университет ректоры, академик А.Реймов пенен ушырасты, – деп мағлыўмат береди ҚМУ Баспасөз хызмети.

5 питкериўшиниң жумыс пенен бәнтлиги тәмийинленди

Көпшиликке белгили болғанындай соңғы жыллары мәмлекетимизде Президентимиздиң басшылығында жаслардың оқып билим алыўы, кәсип-өнер ийелеўи ҳәм жумыс пенен бәнтлигин тәмийинлеў бағдарында көплеген унамлы жумыслар әмелге асырылып келинбекте.

Ташкент мәлимлеме технологиялары университетиниң Үргенш филиалы Үргенш мәмлекетлик универс...

Президенттиң тийисли Қарарына бола, 2025/2026-оқыў жылынан Ташкент мәлимлеме технологиялары университетиниң Үргенш филиалы Үргенш мәмлекетлик университетине қосып жибериледи.

Ал-Хорезмий университети шөлкемлестириледи

"Ал-Хорезмий университетин шөлкемлестириў ҳәм мәлимлеме технологиялары тараўында кадрлар таярлаў системасын буннан былай да жетилистириў илажлары ҳаққында"ғы Президент қарары (ПҚ-160-санлы, 30.04.2025-ж.) қабыл етилди.

Педагог кадрларды таярлаўда сыртқы тәлим формасына қабыллаў әмелге асырылмайды

Педагог кадрларды таярлаў тек ғана күндизги ҳәм кешки билимлендириў түри бойынша шөлкемлестирилип, сыртқы билимлендириў түрине қабыллаў әмелге асырылмайды.

Низамий атындағы Өзбекстан миллий педагогикалық университети шөлкемлестириледи

Өзбекстан Республикасы Президентиниң "Педагог кадрлар таярлаў системасын буннан былай да жетилистириў илажлары ҳаққында"ғы Пәрманы (ПП-73-санлы, 28.04.2025 ж.) қабыл етилди.

“Янги Ўзбекистон” университетиниң жумысы және де жетилистириледи

Өзбекстан Республикасы Президентиниң “Янги Ўзбекистон” университетиниң жумысын буннан былай да жетилистириў илажлары ҳаққында"ғы қарары (ПҚ-151-санлы, 28.04.2025 ж.) қабыл етилди.

«Студентлер бәҳәри» фестивалы ҚМУда көтериңки руўхта өткерилди

Бүгинги күнде жаслардың интеллектуаллық ҳәм дөретиўшилик потенциалын раўажландырыў, оларды заманагөй билимлер ҳәм инновациялық идеялар менен қуралландырыў билимлендириў мәкемелериниң тийкарғы ўазыйпаларынан бирине айланған. Бердақ атындағы Қарақалпақ мәмлекетлик университетинде усындай мақсетлерде өткерилип атырған «Студентлер бәҳәри» фестивалы шеңберинде бир қатар илимий-ағартыўшылық ҳәм дөретиўшилик илажлар шөлкемлестирилди.