Бул агентлик пенен бирге ислесиў қайта тикленгенинен соң пайтахттың биринши бийғәрез халықаралық рейтинги болып есапланады.
Берилген рейтинг Ташкент қаласының финанслық жағдайының беккемлигин ҳәм тийкарғы макроэкономикалық көрсеткишлердиң турақлылығын сәўлелендиреди. Fitch Ratings өз таллаўында қаланың қарыз жүги басқарылатуғын дәрежеде қалып атырғанын, дәрамат базасының өсиўи болса унамлы раўажланыўды көрсетип атырғанын атап өтеди. Бул болса финанслық жуўапкершилик ҳәм басқарыў нәтийжелилигиниң жоқары дәрежесинен дәрек береди.
Ташкент регион қалалары арасында
Өзбекстан пайтахты халықаралық рейтингте тап сондай дәрежедеги қалалар қатарына қосылды, соның ишинде:
Истанбул, Анкара ҳәм Түркияның басқа да ири қалалары - 2024-жыл сентябрь айынан баслап ВВ-рейтингине ийе;
Амман (Иордания) - мәмлекеттиң ББ-дәрежесиндеги суверен рейтингин сәўлелендиреди;
Ереван (Армения) - 2023-жыл август айынан берли ВВ-рейтингине ийе.
Солай етип, Ташкент Орайлық Азияда ВВ- халықаралық рейтингин алған биринши ҳәм бирден-бир қала болды. Бул оның халықаралық майдандағы абырайын сезилерли дәрежеде беккемлейди ҳәм пайтахттың инвестициялық тартымлылығын арттырады.
Fitch Ratings рейтингиниң берилиўи қаланы және де раўажландырыў, инвестицияларды тартыў ҳәм халықтың турмыс сапасын жақсылаўға қаратылған стратегиялық жойбарларды әмелге асырыў жолындағы әҳмийетли қәдем болып есапланады.
