Бул ҳаққында Өзбекстанның Стамбулдағы Бас консулханасы хабар берди.
Рәсмий емес мағлыўматларға бола, 2025-жыл февраль айының басынан усы күнге шекем 150 ден аслам сырт ел пуқаралары аэропортларда бул жаңа қағыйдалар ҳаққында алдыннан хабардар болмағаны себепли машқалаларға дус келди.
Бурын Түркияда нызамлы қалыў мүддетин арттырған ямаса жасаў гүўалығын (ikamet izni) алыў бойынша бийкарлаў алған сырт ел пуқаралары мәмлекетке шәртли кириў (şartlı giriş) арқалы қайтып келиўи ҳәм 10 күн ишинде жаңа арза тапсырыўы мүмкин еди.
Енди болса бул имканият толық бийкар етилди.
Енди өз ўақтында шығып кетпеген ямаса жасаў гүўалығын (ikamet izni) алыўда бийкар етилген пуқаралар дәрҳал Түркияға қайта алмайды.
Жаңа қағыйдаларға бола, пуқаралыққа қарап, Түркияға кириў қадаған етилиўи 3 айдан 6 айға шекем болыўы мүмкин.
Усы мүнәсибет пенен Бас елшихана Түркияға келиў нийетинде болған ўатанласларымызды усы киргизилген өзгеристи инабатқа алыўға шақырды.
Түркияға сапар етиўден алдын усы мәмлекет миграция қағыйдалары менен танысың!
Ҳүжжетлериңизде машқала жоқ екенлигине исеним пайда етиң!
Егер нызамлы қалыў мүддети тамамланған болса ямаса жасаў гүўалығын (икамет изни) алыўда бийкар етилген болса, бул мәмлекетти нызамды ҳүрмет еткен ҳалда тәрк етиң, себеби бул түрдеги қағыйда бузарлықлар Түркияға қайтыў имканиятыңызды шеклеўге себеп болыўы мүмкин!
