"Өзгидромет" агентлигиниң хабар бериўинше, бүгин 9-июнь күни республика бойынша айырым жерлерде қысқа мүддетли жаўын жаўады, гүлдирмама болыўы мүмкин. Самалдың тезлиги 13-18 м/с қа шекем күшейиўи күтилмекте.
10-11-июнь күнлери Өзбекстанның арқа-батысында, 10-13-июньда орайлық ўәлаятлар ҳәм Ферғана ойпатында айырым жерлерде қысқа мүддетли жаўын жаўыўы, гүлдирмама болыўы мүмкин. Республиканың шөл аймақларында ҳәм қубласында жаўын-шашын күтилмейди. Ҳаўаның температурасы 30-35 дәреже әтирапында, қублада 37 дәрежеге шекем болады.
9-июнь ҳәм 12-13-июньда республика бойынша самалдың тезлиги 13-18 м/с қа шекем күшейиўи, айырым жерлерде шаң-тозаң менен бақланыўы мүмкин.
Таў алды ҳәм таўлы аймақларда ўақты-ўақты менен жаўын жаўады, гүлдирмама бақланады. 9-июньда жаўын жаўады, айырым жерлерде күшли болады. Сел-суў тасқын ҳәдийселери жүзеге келиўи мүмкин.
Ташкентте: бүгин 9-июньда күнниң екинши ярымында қысқа мүддетли жаўын жаўыўы, гүлдирмама болыўы мүмкин. Самал 3-8 м/с тезликте еседи, 12-15 м/с қа шекем күшейиўи, айырым жерлерде шаң-тозаң менен бақланыўы мүмкин. 10-июньда жаўын-шашын күтилмейди.
11-июньда түнде ҳәм азанда қысқа мүддетли жаўын жаўыўы мүмкин, күндиз жаўын-шашын күтилмейди. 12-13-июньда бираз қысқа мүддетли жаўын жаўыўы, гүлдирмама болыўы мүмкин. Ҳаўаның температурасы 9-13-июньда түнде 21-23 градус, күндиз 33-35 градус дәрежеде болады.
