"Шахсқа тийисли мағлыўматлар ҳаққында"ғы 02.07.2019-жылдағы ӨРН-547-санлы
Нызамға муўапық ҳүжжет пенен Шахсқа тийисли мағлыўматлардың теңдей қорғалыўын
тәмийинлейтуғын сырт мәмлекетлердиң дизими тастыйықланған. Оған 49 мәмлекет
киреди.
Анықланыўы:
шахсқа байланыслы мағлыўматлардың тарқалыўының алдын алыў бойынша илажлар
көрилген жағдайда, шахсқа байланыслы мағлыўматлар халықаралық келисимлер
тийкарында жаратылған мәлимлеме системалары арқалы, қосымша руқсатларсыз ҳәм
ўәкилликли мәмлекетлик уйымды хабардар етпестен, дизимге киргизилген
мәмлекетлерге шегаралар арқалы автоматластырылған түрде жибериледи;
Оператор ҳәм
шахсқа байланыслы мағлыўматлар базасының ийеси ўәкилликли мәмлекетлик уйым
тәрепинен белгиленген ҳуқықый, шөлкемлестириў ҳәм техникалық шәртлерге әмел
еткен жағдайда, шахсқа байланыслы мағлыўматларды ҳәр қандай түрде дизимге
киргизилмеген сырт мәмлекетлерге бериўге жол қойылады;
трансшегаралық
мағлыўматларды жеткерип бериў ўақтында шахсқа байланыслы мағлыўматлардың сыртқа
шығып кетиўи анықланған жағдайда, шахсқа байланыслы мағлыўматлар базасының
операторы сыртқа шығып кетиўи анықланған ўақыттан баслап 24 саат ишинде тийисли
мәмлекетлик уйымды хабардар етиўи ҳәм 72 саат ишинде сыртқа шығып кетиўдиң
себеплери ҳәм оны сапластырыў ушын көрилген илажлар ҳаққында толық мағлыўмат
бериўи шәрт.
Еслетип өтемиз,
Министрлер Кабинети жанындағы Мәмлекетлик персоналластырыў орайы шахсқа
байланыслы мағлыўматлар тараўындағы ўәкилликли мәмлекетлик уйым есапланады.
Үш ай мүддетте
Жеке мағлыўматларға автоматластырылған түрде ислеў бериўде физикалық шахсларды
қорғаў ҳаққындағы Конвенцияға (Страсбург, 1981-жыл 28-январь) қосылыў,
сондай-ақ, Өзбекстанды сырт мәмлекетлердиң жеке мағлыўматларының қорғалыўын
тәмийинлейтуғын мәмлекетлер дизимине киргизиў режелестирилмекте.
Ҳүжжет Нызамшылық
мағлыўматлары миллий базасында жәрияланған ҳәм 03.08.2026-жылдан күшке кирди,
деп жазады «Norma».
