Өзбекстан сайланды командасы Болгарияда өтип атырған дзюдо бойынша жас өспиримлер арасындағы жәҳән чемпионатында табыслы қатнаспақта. Кеше 60 килограммға шекемги салмақ категориясында Дилшод Каримов бронза медалын қолға киргизди.
Спортшымыз дәслепки турлардан исенимли өтип, ярым финалға шекем жетип барды, бирақ финалға шығыў ушын өткерилген шешиўши беллесиўде қарсыласына имканиятты берип қойды. Үшинши орын ушын болған беллесиўде Кәримов өзиниң минез-қулқы ҳәм шеберлигин көрсетип, жерлеси Муҳаммадкарим Носировты жеңип шықты.
Солай етип, Өзбекстан сайланды командасы өз сыйлықлар топламын және бир медаль менен толықтырып, елимиз жас дзюдошыларының таярлық дәрежеси жоқары екенлигин тастыйықлады.
Қазақстанның Астана қаласында парадзюдо бойынша үш күн даўам еткен Азия чемпионаты жуўмақланды. Жарыстың жуўмақлаўшы күнинде командалық беллесиўлер өткерилип, ерлер ҳәм ҳаял-қызлар арасында Өзбекстан сайланды командасы гүмис медалға ийе болды.
Халықаралық дзюдо федерациясы (IJF) күн тәртибине киргизилген Aktau Asian Judo Open 2025 халықаралық турнири батыс Қазақстанда болып өтти. Өзбекстан сайланды командасы 16 медаль менен 10 мәмлекет арасынан жеңимпаз болды!
Перуда дзюдо бойынша жаслар арасында жәҳән чемпионатының жеке беллесиўлери жуўмақланды. Аўыр салмақ категориясында өткерилген жарыста Өзбекстан сайланды командасы 1 гүмис ҳәм 2 бронза медалын қолға киргизди.
Қытайдың Циндао қаласында өткерилип атырған абырайлы Гран-при турниринде өзбекстанлы дзюдошы Шаҳрам Аҳадов 73 килограммға шекемги салмақ категориясында гүмис медалға ийе болды.
Индонезияда дзюдо бойынша жас өспиримлер арасында континент бириншилиги жуўмақланды. Кеше болып өткен беллесиўлерде Өзбекстан сайланды командасы 3 алтын, 1 гүмис ҳәм 6 бронза медалын қолға киргизди.
Индонезияның Жакарта қаласында дзюдо бойынша жас өспиримлер арасында Азия чемпионаты басланды. Дәслепки жарыс күнинде-ақ Өзбекстан сайланды командасы спортшылары жоқары нәтийжелерди көрсетип, 8 медаль - 4 алтын, 2 гүмис ҳәм 2 бронза медальын қолға киргизди.
Қырғызстанның Шолпан ата қаласында Түркий мәмлекетлер III универсиадасы басланды. Дзюдо бойынша Өзбекстан сайланды командасы дәслепки жарыс күнинде 7 медаль - 3 алтын, 1 гүмис ҳәм 3 бронза медалын қолға киргизди.
