БМШтың Азық-аўқат ҳәм аўыл хожалығы шөлкеми (ФАО) кәмбағаллықты қысқартыў ушын инклюзив бизнес ҳәм инвестиция бойынша тәжирийбесин усынды. "Инклюзив бизнес: кәмбағаллықты қысқартыў ушын жеке меншик сектордың жоллары" (ФАО, IFC)) темасындағы әҳмийетли мәжилислерден бири болып, онда турақлы экономикалық өсиў ушын жеке меншик сектордың қатнасыўы ҳәм инновациялық шерикликти раўажландырыў мәселелери додаланды.

Додалаўларда Өзбекстан Экономика ҳәм қаржы министрлиги, Халықаралық финанс корпорациясы (IFC), Европа тиклениў ҳәм раўажланыў банки, Азия раўажланыў банки ҳәм "Исбилерменликти раўажландырыў компаниясы" АЖның жоқары мәртебели ўәкиллери қатнасты.

Қәнигелердиң атап өткениндей, инклюзив инвестициялық моделлер кәмбағаллықты қысқартыўды жеделлестириўге, қосымша қун шынжырларын беккемлеўге, аўыл хожалықлары ҳәм киши бизнес ушын жаңа имканиятлар жаратыўға хызмет етеди. ФАО майда фермерлердиң базарларға шығыў имканиятын жақсылаў ҳәм турақлы агроазық-аўқат системаларын қоллап-қуўатлаў әҳмийетли екенлигине итибар қаратты.