Сөйлесиўде кейинги жылларда Өзбекстан менен Түркия арасындағы бирге ислесиў сапа жағынан жаңа басқышқа көтерилгени атап өтилди. Еки мәмлекет арасындағы экономикалық, инвестициялық ҳәм технологиялық байланыслар избе-из беккемленип, кеңейип бармақта.

Телекоммуникациялар тараўында биргеликтеги инвестициялық жойбарларды әмелге асырыў, базарда бәсекиге шыдамлылықты арттырыў, заманагөй санлы ҳәм технологиялық шешимлерди енгизиў перспективаларына айрықша итибар қаратылды.

Ушырасыў жуўмағында тәреплер әмелий басламаларды әмелге асырыў ҳәм технологиялық шерикликти буннан былай да беккемлеўге қаратылған жедел бирге ислесиўди даўам еттириўге таяр екенин тастыйықлады.