Форумда еки мәмлекет министрликлери, тармақ бирлеспелери ҳәм компанияларының, соның ишинде, «QazTrade», «Kedentransservis», «iMas Group», «Medial Group», «Asyl Dan Trade», «StalTsink», «Empire Food» ҳәм басқа да компаниялардың жүзден аслам ўәкиллери қатнасты.
Өзбекстан инвестициялар, санаат ҳәм саўда министриниң орынбасары Хуррам Тешабаев ҳәм Қазақстан саўда ҳәм интеграция министриниң орынбасары Айдар Абилдабеков шығып сөйлеп, еки тәреплеме бирге ислесиўдиң жоқары дәрежесин ҳәм оны буннан былай да раўажландырыўға умтылысын атап өтти.
2025-жылдың январь-сентябрь айларында товар алмасыў көлеми 3,5 миллиард доллар (+16 процент), Өзбекстаннан экспорт көлеми 1,1 миллиард доллар (+7 процент) болды. Елимизде Қазақстан капиталының қатнасыўында 1157 кәрхана жумыс алып бармақта.
Форум даўамында инвестициялық орталық бойынша презентациялар, G2B ҳәм B2B ушырасыўлары өткерилип, азық-аўқат санааты, қурылыс ҳәм аўыл хожалығы тармақлары бойынша келисимлерге қол қойылды.
