Өзбекстан Республикасы Сыртқы ислер министрлиги баспасөз хызметиниң мәлим етиўинше, 13-март күни саат 07:00 жағдайына бола 32 мың 934 пуқара Өзбекстан аймағына қайтты.
12-март: Өзбекстанның Қатардағы елшиханасы 49 пуқараны Ташкентке ушып кетиўи ушын БАӘ ҳәм Саудия Арабстанына өткериўди тәмийинледи. Ҳәзирги ўақытта Дохадан Дубай арқалы қайтыў ушын пуқаралардың жаңа топары қәлиплестирилмекте.
БАӘ дипломатлары тәрепинен 147 пуқараның Ташкентке ушып келиўине жәрдемлесилди.
Иранда 5 пуқараның қоңсы мәмлекетлер арқалы шығып кетиўи тәмийинленди.
Израилда 4 пуқараны Египет арқалы қайтарыў шөлкемлестирилди.
Саудия Арабстанында Өзбекстанның Жидда қаласындағы елшиханасы ҳәм Бас консуллығы Транспорт министрлиги менен биргеликте 2 мың 735 пуқараның чартер рейслер арқалы қайтарылыўын тәмийинледи. Бул мәмлекетте эвакуация тамамланды.
Өзбекстан пуқараларын Ўатанға қәўипсиз қайтарыў бойынша дипломатиялық ўәкилханалардың жумысы даўам етпекте.
