Миллий статистика комитети тәрепинен өткерилген үй хожалықлары танламалы үйрениў мағлыўматларына бола, 2025-жылдың январь-август айларында Өзбекстан халқының 94,2 проценти интернеттен пайдаланған.
Мәмлекетте интернетке кириў көрсеткиши жылдан-жылға турақлы өсип бармақта:
2021-жыл - 76,6%;
2022-жыл - 83,9%;
2023-жыл - 89%;
2024-жыл - 93,3%;
2025-жил (январь-август) 94,2%;
Интернет пенен қамтып алыўдың өсиўи халықтың санлы белсендилигиниң артыўы, мәлимлеме технологияларынан пайдаланыўдың кеңейиўи ҳәм мәмлекетте байланыс инфраструктурасының раўажланыўын сәўлелендиреди.
Миллий статистика комитети мағлыўматларына бола, 2025-жылдың январь-октябрь айларында Өзбекстанда жәми қамсызландырыў хызметлериниң көлеми 10 триллион сумды қураған. Бул 2024-жылдың усы дәўирине салыстырғанда 2,6 триллион сумға көп.
Миллий статистика комитети мағлыўматларына бола, 2025-жылдың январь-октябрь айларында Өзбекстанда азық-аўқат өнимлерин ислеп шығарыў көлеми 114,8 триллион сумды қураған.
Миллий статистика комитетиниң мағлыўматларына бола, 2025-жылдың январь-октябрь айларында Өзбекстан 31 сырт мәмлекеттен улыўма баҳасы дерлик 28,9 миллион АҚШ долларына тең болған дерлик 12,2 мың тонна балық ҳәм теңиз өнимлерин импорт еткен.
Миллий статистика комитетиниң мағлыўматларына бола, 2025-жылдың 1-январь жағдайына бола, Өзбекстанда халықтың шыпакерлер менен тәмийинлениў дәрежеси 10 мың халыққа 28,6 шыпакерди қурайды.
Миллий статистика комитетиниң мағлыўматларына бола, 2025-жылдың январь-октябрь айларында Өзбекстанда ири кәрханалар тәрепинен 34,3 триллион сумлық кийим-кеншек ислеп шығарылған. Бул 2024-жылдың усы дәўирине салыстырғанда 32,9 процентке көп.
Миллий статистика комитетиниң мағлыўматларына бола, 2025-жылдың январь-октябрь айларында Өзбекстанның импорт көлеми 37,5 миллиард АҚШ долларын қураған. Өткен жылдың усы дәўирине салыстырғанда импорт 16,9 процентке артты.
