Пәрманға муўапық, жоқары билимлендириў ҳәм илимий шөлкемлерди шөлкемлестириўде жаңа қолланбаларға тийкарланған "спин-офф" кәрханалары шөлкемлестириледи.
2026-жыл 1-майдан баслап:
кәрханалардың устав фондындағы мәмлекетлик үлести басқарыў функциясы исеним хаты тийкарында шөлкемлестириўшилерге бериледи, бунда 5 жыл даўамында мәмлекетлик үлести меншиклестириў қадаған етиледи;
кәрханаларды мәмлекетлик дизимнен өткериў ҳәм олардың устав фондындағы мәмлекетлик үлес муғдарын өзгертиўде Мәмлекетлик активлерди басқарыў агентлигиниң қарары ҳәм Бәсекини раўажландырыў ҳәм тутыныўшылардың ҳуқықларын қорғаў комитетиниң алдын ала келисимин алыў талап етилмейди;
Шөлкемлестириўшилердиң инновациялық жумысын қоллап-қуўатлаў қорының қаржылары есабынан кәрханаларды шөлкемлестириў нызам ҳүжжетлеринде белгиленген тәртипте венчур қаржыландырыўға теңлестириледи;
кәрханалардың мийнет жәмәәтлери қурамында профессор-оқытыўшылар (илимий хызметкерлер) ямаса шөлкемлестириўшиниң студентлери ҳәм излениўшилериниң қатнасыўы шәрт;
инвесторлар тәрепинен кәрханаға инвестициялар киргизиў ҳаққындағы келисимлер (битимлер, шәртнамалар, меморандумлар) бойынша ўәкилликли мәмлекетлик уйымның жуўмағы талап етилмейди.
