Орайлық банктиң мағлыўматларына бола, бул дәўирде төлем терминалларының
саны 430,8 мыңнан 453,5 мыңға көбейген. Мәмлекетимизде және 22,7 мың терминал
орнатылып, 5,3 процентке өсиў тәмийинленди.
Банкомат ҳәм инфокиосклар тармағы 40,1 мыңнан 47 мыңға шекем кеңейип,
17,3 процентке артты.
2026-жылдың январь-июль айларында төлем терминаллары арқалы әмелге
асырылған операциялардың көлеми 387,4 триллион сумды қураған. Салыстырыў ушын,
пүткил 2025-жыл ушын бул көрсеткиш 460,3 триллион сумға жеткен.
Банк карталары
санының 10,9 процентке өсиўи менен терминаллар арқалы айланыс 44,3 процентке
артты, бул болса нақ пулсыз төлемлерден пайдаланыўдың жеделлескенин көрсетеди.
Бир карта бойынша орташа айлық операция муғдары 562 мың сумнан 731 мың сумға
шекем өсти.
Бул көрсеткишлер
төлем инфраструктурасының буннан былай да раўажланыўы ҳәм халық арасында нақ
пулсыз есап-санақлардың ғалабаласыўы турақлы артып атырғанын сәўлелендиреди.
