Қарарға муўапық, от-жем ҳәм майлы егинлерди жетистириў қәрежетлерин қаржыландырыў ушын коммерциялық банклер тәрепинен 12 ай мүддетке жыллық 12 процент ставкада өним баҳасының 50 процентине шекем жеңиллетилген кредитлер ажыратылады.
2025-жыл 1-ноябрьден 2030-жыл 31-декабрьге шекемги дәўирде "Исбилерменликти раўажландырыў компаниясы" АЖ тәрепинен Кредитлер бойынша процент қәрежетлерин қаплаў қорының қаржылары есабынан исбилерменлерге белгиленген бағдарлар ҳәм шәртлер бойынша төмендегилер қаплап бериледи:
миллий валютада ажыратылатуғын кредитлер бойынша (Орайлық банктиң тийкарғы ставкасының 2 есесинен аспаған муғдарда) - тийкарғы ставканың 4 процентлик бәнтинен артатуғын, бирақ 10 процентлик бәнттен көп болмаған бөлеги;
сырт ел валютасында ажыратылатуғын кредитлер бойынша - жыллық 8 проценттен артатуғын, бирақ 4 процентлик пункттен көп болмаған бөлеги.
2026-жыл 1-январьдан баслап от-жем ҳәм майлы егинлер жетистириўши хожалықлардың насос агрегатлары суўғарыў ушын жумсайтуғын электр энергиясы қәрежетлериниң 50 проценти Мәмлекетлик бюджет есабынан қаплап бериледи.
