Усы Реже менен реципиентлер ҳәм донорларды трансплантация операциясына таярлаў, оларды операциядан кейинги реабилитациялаў ҳәм мәмлекетлик медицина мәкемелеринде диспансерлик бақлаўдан өткериў тәртиби белгиленген.
Режеге муўапық, Министрлер Кабинетиниң 2024-жыл 13-июньдеги 333-санлы қарарында көрсетилген мәмлекетлик медицина мәкемелери реципиентлер ҳәм донорларды трансплантация операциясына таярлаўдан алдын олардың денсаўлығының жағдайы бойынша арнаўлы медициналық таярлық илажларын әмелге асырады.
Трансплантация операциясынан алдын реципиент ҳәм донордан разылығы алынады ҳәм видеожазыўға түсириледи.
Реципиентлер ҳәм донорлар трансплантация операциясынан кейин 21 күнге шекем реабилитацияда болады, реабилитациядан кейин болса аймақлық медицина мәкемелеринде диспансер қадағалаўына алынады.
Диспансер бақлаўы дәўиринде реципиентлер шыпакерлер тәрепинен иммуносупрессив дәри-дәрмақлар менен бийпул тәмийинленеди.
