Қарарға бола, шарўашылық хожалықларына сырт мәмлекетлерден нәсилли қарамал, қой ҳәм ешки импорты ушын субсидия ажыратыў тәртибиниң әмел етиў мүддети 2030-жыл 31-декабрьге шекем создырылды.
2026-жыл 1-январьдан 2030-жыл 31-декабрьге шекем бир күнлик нәсилли шөжелер импорты ушын белгиленген субсидия тек ғана усы нәсилли гөшке бағдарланған бир күнлик шөжелерди жергиликли ислеп шығарыўшылардан сатып алынған жағдайда ажыратылады.
2026-жыл 1-январьдан 2027-жылдың ақырына шекем тири қара мал (ТИФ ТН бойынша коды 0102) ҳәм тири қой-ешкилер (ТИФ ТН бойынша коды 0104) импортында:
есапланған қосымша қун салығын 180 күнге шекемги мүддетке кешиктириўге рухсат бериледи;
төленген қосымша қун салығын қаплаў (қайтарыў) нызам ҳүжжетлеринде белгиленген тәртипте әмелге асырылады.
2026-жыл 1-январьдан баслап:
ветеринария рухсатнамасы ҳәм сертификатын көрип шығыў мүддети 2 есеге қысқартылады;
шарўашылық өнимлерин ислеп шығарыўшы исбилерменлерге электрон онлайн-аукцион саўдалары арқалы сатып алынған азықлық өсимликлерин жетистириў ушын жер участкаларын ижараға алыў ҳуқықы ушын 5 жыл мүддетке тең үлеслерде бөлип-бөлип төлеўге рухсат бериледи.
