Усы Реже автомобиль жолларын қурыў, реконструкциялаў ҳәм оңлаўда
орынланған жумыслардың жол қурылысы тараўын техникалық жақтан тәртипке салыў
тараўындағы нормативлик ҳүжжетлер талапларына муўапықлығын анықлаў бойынша
лабораториялық сынақларды өткериў тәртибин белгилейди.
Ҳүжжетте төмендеги мәселелер нәзерде тутылған:
жумысты бөлип алып ислеўши шөлкем тәрепинен орынланған жумыслардың сапасы
үстинен турақлы лабораториялық қадағалаўды тәмийинлеў;
жумысты бөлип алып ислеўшиниң өзиниң лабораториясы болмаған жағдайда
шәртнама тийкарында сынаў лабораториясын тартыў;
автомобиль
жолларын қурыў, реконструкциялаў ҳәм оңлаў бойынша жумыслар көлеминиң
техникалық жақтан тәртипке салыў тараўындағы нормативлик ҳүжжетлер талапларына
муўапықлығын анықлаў ҳәм сапасын тәмийинлеў ушын буйыртпашы тәрепинен сынаў
лабораториясын тартыў;
буйыртпашы
тәрепинен "Мәмлекетлик сатып алыўлар ҳаққында"ғы Өзбекстан
Республикасы Нызамына муўапық аккредитациядан өткен сынаў лабораториясының
тартылыўы;
буйыртпашы
тәрепинен жумысты бөлип алып ислеўши шөлкемниң сынақ лабораториясын ямаса жумысты
бөлип алып ислеўши шөлкемниң өзи тартқан лабораторияны тартыўды қадаған етиў.
