Режеге муўапық, транспорт қуралының экологиялық категориясы оны ислеп шығарыўшы тәрепинен тастыйықланған экологиялық класына муўапық белгиленеди.
Транспорт қураллары төмендеги нормалар тийкарында экологиялық категорияларға ажыратылады:
Бензин, қысылган яки суйылтырылган газде ислейтуғын транспорт қураллары:
"Евро-2" ҳәм оннан жоқары экологиялық класс - "таза" экологиялық категория;
"Евро-0" ҳәм "Евро-1" класслары "орта" экологиялық категория есапланады.
Дизел транспорт қураллары:
"Евро-4" ҳәм оннан жоқары класслар - "таза" категория;
"Евро-3" класы - "орта" категория;
"Евро-0," "Евро-1" ҳәм "Евро-2" класслары "зыянлы" экологиялық категория есапланады.
"Таза" экологиялық категорияға, сондай-ақ, төмендегилер киреди:
гибрид автомобиллер;
альтернатив жанылғы түрлеринде ислейтуғын транспорт қураллары;
ислеп шығарылғанына 3 жылдан аспаған транспорт қураллары.
Экологиялық стикерлерди бериў
Транспорт қуралларын дизимнен өткериў ҳәм қайта дизимнен өткериўде олардың экологиялық категориясына қарап төмендеги реңдеги экологиялық стикерлер бериледи:
жасыл - таза категория;
сары - орта категория;
қызыл - зыянлы категория.
Оны бериў Мәмлекетлик жол ҳәрекети қәўипсизлиги хызмети бөлимлериндеги экологиялық операторлар тәрепинен әмелге асырылады.
Сондай-ақ, транспорт қуралының ийеси экологиялық стикер алыў ушын өз қәлеўи менен ИИМ рәсмий веб-сайты ямаса БИМХП (my.gov.uz) арқалы арза жибериўи мүмкин.
Арза белгиленген талапларға жуўап берсе, автотранспорт қуралына категориясы бойынша екологиялық стикерлерден бири бериледи.
Экологиялық стикерлер мүддетсиз бериледи.
