Узақ ўақыт грейпфрут тек шет елден алып келинетуғын экзотикалық мийўе есапланган. «O‘zbegim» сорты жергиликли селекционерлердиң көп жыллық машақатлы мийнети нәтийжеси болып есапланады.
Жаңа сорт республикамыздың климат шараятына толық бейимлескен болып, жергиликли селекция тараўында ерисилген әҳмийетли жетискенликлерден бири болып есапланады.
Мағлыўмат ушын: селекция жетискенлигин дизимнен өткериў "Селекция жетискенликлери ҳаққында"ғы нызам менен тәртипке салынатуғын ҳуқықый процесс болып есапланады. Бул тәртип сорт авторына оннан айрықша пайдаланыў ҳуқықын береди.
Селекциялық жетискенлик жаңалық, айырмашылық, бир түрлилик ҳәм турақлылық критерияларына жуўап берген жағдайда ҳуқықый қорғаўға алынады.
Селекция жетискенликлерин дизимнен өткериў ушын арза бериў Әдиллик министрлигиниң im.adliya.uz порталы арқалы онлайн тәризде әмелге асырылады.
