Дәслеп мийманлар институт жумысы менен таныстырылып, институтта хурманы кептириў жойбарында алып барылып атырған жумыслар таныстырылды.
Жергиликли шараятта жетистирилген хурма мийўесин қандай кептириў усылы бүгин институтта сынақ-тәжирийбе өткерилмекте. Бир ай даўамында кептирилип, сатыўға таяр болған хурма мийўесинен япониялы мийманлар да дәм татып көрди ҳәм жоқары баҳа берди. Бул кептирилген хурмаларды шәртнама тийкарында жергиликли саўда дүканларына сатыў режелестирилген. Жойбар шеңберинде институт хызметкерлери тәрепинен жергиликли халыққа хурма мийўелерин қалай кептириў бойынша усыныслар берип барыўы мийманларда қызығыўшылық оятты.
- Институтымыз аўыл хожалығы ҳәм аграр тараўда қәнигелер таярлаўға қәнигелескен, - деди институт ректоры Ш.Ҳасанов. - Биз дүнья стандартларына сай жетик кадрлар таярлаў жолында сырт ел жоқары билимлендириў мәкемелери менен бирге ислесиў байланысларын орнатып, олар менен түрли жойбарларда нәтийжели жумыс алып бармақтамыз. Мәселен, институт Япония халықаралық бирге ислесиў агентлиги (JICA) ҳәм Токио аўыл хожалығы ҳәм технологиялар университети менен биргеликте "Самарқандта хурма мийўелерин кептириў арқалы аўыл халқының дәраматын арттырыў" жойбары үстинде жумыс алып бармақта. 2023-2026-жылларда әмелге асырылыўы режелестирилген бул жойбардың улыўма баҳасы 1 млн. АҚШ долларын қурайды.
Япониялы мийманлар институтта әмелге асырылып атырған басқа да жойбарлар менен де танысып, институт ҳәўлисине саяманлы терек отырғызды. Институттың басшылығы келешекте Япония жоқары оқыў орынлары менен және де перспективалы жойбарлар үстинде ислесиў тилегин билдирди.
Ҳақыйқатында да, Япония халықаралық бирге ислесиў агентлиги (JICA) Президенти Акихико Танака басшылығындағы делегацияның бүгин Өзбекстанға сапарының төртинши күни болып өтпекте. Делегация ўәкиллери усы күнге шекем пайтахтта Өзбекстан-Япония мәмлекетлериниң нәтийжели бирге ислесиўи бойынша абырайлы топарларда ушырасыўлар өткерди.
