Өзбекстан Республикасының Президенті Шавкат Мирзияевтың тапсырмасына сәйкес, еліміздің арнайы борты жер сілкінісінен зардап шеккендерге жедел көмек көрсету мақсатында Түркияның Газиантеп қаласына жетіп келді.

Бортқа жалпы саны 71 адамнан құралған қосымша іздеу-құтқару және медицина қызметкерлері тобымен бірге, гуманитарлық көмектің тағы бір партиясы әкелінді.

Зардап шеккендерге көмек көрсету мақсатында бір гектар аумақта тоғыз арнайы бөлімшеден тұратын жылжымалы емхананы орналастыру жоспарлануда, онда Өзбекстан Қорғаныс министрлігі медициналық отрядының 50 қызметкері қызмет етеді.

Бұл жылжымалы емхана барлық қажетті медициналық құрал-жабдықтармен және дәрі-дәрмекпен толық жабдықталған.