Кездесуге АҚШ Мемлекеттік хатшысының энергетика жөніндегі орынбасары Джеффри Пайетт те қатысты.

АҚШ-тың жетекші компаниясымен стратегиялық серіктестікті одан әрі кеңейту, жүзеге асырылып жатқан жобалардың барысы және болашаққа арналған нақты жоспарлар мәселелері талқыланды.

Бүгінгі таңда Өзбекстанда «Air Products» тарапынан «Uzbekistan GTL» компаниясында өнеркәсіптік газды өңдеу, «Навоиязот» базасында синтездік газ, оттегі және азот, сұйытылған көмірқышқыл газын өндіру жобаларын жүзеге асыруда.

Кейінгі екі жылда осы жобалардың жалғасы ретінде компанияның 1 миллиард доллардан астам тікелей инвестициясы тартылды.

Сұхбат барысында көмірді газдандыру, техникалық газдар, сутегі мен аммоний өндіру, ащы газдарды утилизация ету бойынша перспективалық жобалар талқыланды.

Air Products сарапшылары декарбонизация саласындағы қажетті нормативтік-құқықтық базаны әзірлеуге де қатысады.

Сонымен қатар, жобалар қоржынына тамақ өнеркәсібіне инновациялық әзірлемелерді енгізу қарастырылған.

Кездесу соңында «Air Products» компаниясының Өзбекстан үшін құны 10 миллиард доллардан асатын жаңа инвестициялық бағдарламасын жүзеге асыру туралы келісімдер алмасылды.

Өзбекстан-АҚШ көпжақты ынтымақтастығын кеңейтуге қосқан үлесі және елдегі артқа қайтпайтын реформаларды қолдағаны үшін Өзбекстан Республикасының Президенті Шавкат Мирзиёев «Air Products» басқармасының төрағасы Сейфи Гасемиді ең жоғары мемлекеттік награда – «Достық» орденімен марапаттады.