Өзбекстан Республикасының Президенті Шавкат Мирзиёев Кувейтке ресми сапары аясында «Al Imtiaz Investment Group» компаниясының басқарма мүшесі және атқарушы директоры Фузи Халид бен Эссамен кездесу өткізді.
2005 жылы құрылған «Al Imtiaz Investment Group» активтерді басқару, жылжымайтын мүлік, денсаулық сақтау, өнеркәсіп және қаржы салаларына инвестиция салуға маманданған.
Кездесу барысында Кувейт компаниясының азық-түлік өндірісі, фармацевтикалық өнімдер шығару және жылжымайтын мүлік нысандарын салу жөніндегі бастамалары қолдау тапты.
17 наурыз күні Президент Шавкат Мирзиёев халықтың тұрмыс сапасын арттыру мақсатында ауыз су және кәріз жүйесі, жылумен қамтамасыз ету, ауыл шаруашылығы мен махаллаларды абаттандыру мәселелеріне арналған видеоселекторлық жиын өткізді.
Өзбекстан Республикасының Президенті Шавкат Мирзиёев 14 наурыз күні Ресей Федерациясы Федералдық Жиналысының Мемлекеттік Дума Төрағасы Вячеслав Володинді қабылдады. Өзбекстан мен Ресей арасындағы кең ауқымды стратегиялық серіктестік және одақтастық қатынастардың өзекті мәселелері қаралды.
