Делегация өкілдері Бұхарадағы «Мир Араб» медресесі, «Минораи Калон», «Лаби-Ховуз» және басқа да бірқатар тарихи кешендермен танысты. Сондай-ақ, Бұхара қаласы мен Шаржа Әмірлігі арасындағы ынтымақтастық туралы меморандумға (бауырластық келісімі) қол қойылды, деп хабарлайды Туризм комитетінің баспасөз қызметі.
Сондай-ақ делегация мүшелері Самарқант қаласындағы бірқатар тарихи орындар мен «Жібек жолы» туризм және мәдени мұра халықаралық университетінде де болады. Сонымен қатар, ол университет жанындағы Арт-Резиденцияда Шаржа әмірлігінің археологиялық қазбалары көрмесінің ашылу салтанатына қатысады.
