Кездесуге Бұхара, Науаи және Самарқант облыстарының әкімдері де қатысты.
Жиынның негізгі тақырыбы осы аумақтарда инвестиция мен сыртқы сауда қызметін ынталандырудың жаңа жүйесін енгізу, аумақтық инвестициялық жобаларды қаржыландыру механизмдері мен жобаларды басқарудың инновациялық әдістерге байланысты мәселелер туралы болды.
Қатысушылар үшін жаңа жүйенің негізгі сипаттары мен ерекшеліктерін ашып беретін тұсаукесер өтті. Шарада сондай-ақ, жүйенің мүмкіндіктерін жер-жерлерде іс жүзінде пайдалану, облыстардың, аудандардың және қалалардың экономикалық әлеуетін талдау әдістерін қолдану, махаллалар дәрежесінде «өсу нүктелерін» анықтау және солар негізінде пайдасы мол және жоғары технологиялық инвестициялық жобаларды даярлау, инвесторларды жұмылдыру және іске қосылған кәсіпорындардың қызметін мониторинг жасау бойынша түсініктер берілді.
Аумақтарындағы «Жоба топтары» қызметінің қағидаттары да ашып берілді. Айтуынша, «жобалық топтардың» мақсаты инвестициялық жобаларды даярлау мен іске асыруға жан-жақты қолдап-қуаттау, олардың бастамашыларын іс жүзінде қолдап-қуаттау, сондай-ақ кәсіпкерлікті дамытуға үшін жағдай жасау, салааралық және ішкі ынтымақтастықты жолға қою мен өндірістік әлеуетті арттыру болып табылады.
Бұл мәселелер жоғарыда аталған облыстардың аудандары мен қалаларының мысалында қаралды. Жергілікті билік органдарының басшылары жаңа механизмдерді енгізу бойынша жинақтаған тәжірибені алмасып, нақты жағдайларды пайдалана отырып, өз қызметі барысында туындаған өзекті мәселелерді талқылады. Көтерілген мәселелер министрліктер, кеңселер, коммерциялық банктер және жергілікті әкімдік басшыларының қатысуымен қаралып, оларды шешу алгоритмдерін жасап, жедел іске асыруды қамтамасыз ету тапсырылды.
Кәсіпкерлер мен коммерциялық банктер арасындағы өзара қарым-қатынасқа ерекше назар аударылды. Инвестициялық жобалардың бастамашыларын қолдап-қуаттау үшін банк қызметкерлерінің істеу қағидаттарын қайта қарау қажет екені айтылды. Болашағы зор жобаларды жүзеге асыруға қаржы бөлуге байланысты мәселелерге баса назар аудару және туындаған проблемаларды дер кезінде анықтап, шешуге көмектесу үшін жеке сектор өкілдерімен тығыз байланыс орнату тапсырылды.
Жиын соңында Министрліктің осы аумақтардағы аудандық, қалалық бөлімшелерінің қызметкерлеріне жергілікті кәсіпкерлермен жұмыс жасау барысында алған дағдыларын тиімді пайдалану бойынша қосымша тапсырмалар берілді, деп хабарлайды Инвестициялар және сыртқы сауда министрлігінің баспасөз қызметі.
