Атап айтқанда, Өзбекстан Республикасы тауар-шикізат биржасы мен Далян тауар биржасы тарапынан қол қойған Өзара түсіністік туралы меморандумға сәйкес, екі биржа заманауи биржалық сауданы тиімді ұйымдастыру, жаңа биржа құралдарын, сонымен қатар тауар деривативтерін енгізу және дамыту бойынша жобаларды жүзеге асырады.
Осы мақсатта Далянь тауар биржасында Өзбекстан Республикасы тауар-шикізат биржасының биржалық сауда сарапшылары мен IT мамандары үшін арнайы тағылымнамалар ұйымдастырылады.
Сондай-ақ Өзбекстан Республикалық тауар-шикізат биржасы Далянь тауар биржасымен (DCE) ақпарат алмасу саласында да ынтымақтастық жасайды. Бұл ретте биржалық котировкалары мен биржа қызметіне қатысты статистикалық ақпараттар екі биржаның ақпараттық жүйесіне орналастырылады. Бұл өз кезегінде, Өзбекстан мен Қытай кәсіпкерлеріне екі елдің тауар базарының конъюнктурасы туралы ақпаратты жылдам алуға мүмкіндік береді.
Сонымен қатар, биржа механизмдерін қолдану арқылы Өзбекстан мен Қытай арасындағы тауар айналымын арттыру мақсатында екі биржаның сауда жүйелерін интеграциялау және олардың брокерлік кеңселерін өзара аккредитациядан өткізу мәселелері де қарастырылуда.
Аталған жобаларды жүзеге асыру мақсатында Өзбекстан Республикасының тауар биржасы мен Далянь тауар биржасы тарапынан арнайы жұмысшы топтары құрылды, деп хабарлайды «Өзбекстан Республикасы тауар-шикізат биржасы» Акционерлік қоғамының баспасөз қызметі.
Анықтама үшін: Далянь тауар биржасы Қытайдағы ең ірі биржалардың бірі және 1993 жылы құрылған. Биржа бидай, жүгері, соя, бұршақ, күріш, көмір, кокс, полиэтилен және полипропилен сияқты тауарларды биржа саудалайды.
