Регулятордың мәліметінше, бұл ЕО-ның цифрлық ережелерін бұзды, деп хабарлайды Euronews.
Еуропа Комиссиясының деректеріне сәйкес, шектеулерге қарамастан, 13 жасқа дейінгі балалар платформаларды кеңінен пайдаланып келеді. Олардың үлесі шамамен 10–12% деп бағаланады.
Компания ережелері бойынша, қызметтерді тек 13 жастан асқандар пайдалана алады. Алайда жас тексеру жүйесі әлсіз — пайдаланушылар туған күнін нақты дәлелдемейді.
Реттеуші Meta әлеуметтік желілердің балаларға әсері туралы ғылыми деректерді ескермегенін атап өтті. Бұл контент пен ұсыныс алгоритмдерінің ықтимал зиянымен байланысты.
Meta бұл айыптаулармен келіспеді. Компания кәмелетке толмағандардың аккаунттарын анықтап, жою үшін құралдарды қолданатынын және бақылауды күшейтетінін мәлімдеді.
Егер айыптар расталса, компанияға жаһандық айналымының 6%-ына дейін айыппұл салынуы мүмкін.
Бұған дейін АҚШ сотының шешімімен Google және Meta әлеуметтік желіге тәуелділік үшін 6 миллион доллар төлеуге міндеттелгені хабарланған.
