БҰҰ Даму бағдарламасы аясында ұйымдастырылған семинарға қала және аудан әкімшіліктері, ауыл шаруашылығы тауарын өндірушілер мен экспорттаушылар қатысты.

Министрліктің аумақтық басқармасының басшылығы сыртқы базарлар, шетелдік тұтынушылардың сұраныстары мен қажеттіліктерін жүйелі түрде талдау мен бағалау маңыздылығына тоқталып, осы орайда аналитикалық дағдылар мен оқыту әдістерін меңгеру, әлемдік тәжірибені ескере отырып, өнімді өндіру мен жеткізудің барлық кезеңдерін ұйымдастыру үдерістерін үйлестіру бойынша семинардың өзектілігін тілге тиек етті.

Сондай-ақ халықаралық тренерлердің қатысуымен өтетін тренинг-семинар күн тәртібінде маркетингтік стратегияны әзірлеу бойынша біліктілігін арттыру, тартымды базар тенденциялары, қателерді талдау, базарға кіру және өнімді ілгерлету стратегиясы, нарықты бағалау, бәсекелестік, тәуекелдер мен болашақтар сияқты бағыттар бойынша баяндамалар мен пікірталастар болды, деп хабарлайды Инвестициялар және сыртқы сауда министрлігінің баспасөз қызметі.