БМТ Тараққиёт дастури доирасида ташкил этилган семинарда шаҳар ва туманлар ҳокимликлари, қишлоқ хўжалиги ишлаб чиқарувчилари ва экспортёрлари иштирок этди.
Вазирлик ҳудудий бошқармаси раҳбарияти ташқи бозорлар, хорижлик истеъмолчиларнинг талаб ва эҳтиёжларини тизимли таҳлил этиш ва баҳолаш муҳимлигига тўхталиб, шу муносабат билан таҳлилий кўникмалар ва ўқитиш услубларини ўзлаштириш, жаҳон тажрибасини ҳисобга олган ҳолда маҳсулот етиштириш ва етказиб беришнинг барча босқичларини ташкил этиш жараёнини мувофиқлаштириш бўйича семинарнинг долзарблигини таъкидлади.
Халқаро тренерлар иштирокидаги ўқув-семинар кун тартибига, шунингдек, маркетинг стратегияларини ишлаб чиқиш бўйича малака ошириш, жозибадор бозор тенденциялари, хатолар таҳлили, бозорга кириш ва маҳсулотни илгари суриш стратегияси, бозорни баҳолаш, рақобат, хавф ва истиқболлар каби йўналишларда маърузалар ва муҳокамалар ўтказилди, деб хабар беради Инвестициялар ва ташқи савдо вазирлиги матбуот хизмати.