Осы келісім аясында KNAUF өндірісті басқаруды өз қолына алып, зауытқа озық технологияларды енгізу арқылы өндірістің тиімділігін арттыруды мақсат еткен.
Зауыт электр энергияның көмегімен қол жеткізілген технология негізінде қызмет етіп, төмен көміртекті (СО2) шығарындыларымен энергияны үнемдейтін материалдарды өндіреді. 2022 жылдың соңында іске қосылған бұл зауыт Орталық Азиядағы тұрақты құрылыс базарының талаптарына жауап беретін заманауи энергияны үнемдейтін изоляция материалдарын шығаратын болады.
– Бұл келісім бізге Орталық Азияда оқшаулағыш материалдар өндірісін айтарлықтай кеңейтуге мүмкіндік береді, – дейді KNAUF тобының бас серіктесі Александр Кнауф. – Орталық Азиядағы қарқынды дамып жатқан құрылыс базары мен энергия тиімділігіне деген жоғары сұраныс бізден инновациялық және энергияны үнемдейтін шешімдерді талап етеді. KNAUF халықаралық тәжірибені пайдалана отырып, біз өз тұтынушыларға жоғары сапалы және ыңғайлы оқшаулау шешімдерді ұсынуда өз жетекшілігімізді нығайтамыз.
– Өзбекстандағы реформалар мен қарқынды даму үдерісі елдегі инвестициялық ортаны жақсартып, тұрақты даму мен халықтың әл-ауқатын арттыруға қолайлы жағдай туғызуда. Бұл біздің аймаққа деген сенімімізді нығайтады және болашақта жаңа инвестициялық бастамаларды жүзеге асыруға дайын екенімізді көрсетеді, - деді топтың бас серіктесі Уве Кноцер.
«KNAUF Gruop» басқару мүшесі, “KNAUF Insulation” бағытының Еуропа, Таяу Шығыс және Азия бойынша бас директоры Доминик Боссанның пікірінше, бұл келісім компанияның энергияны үнемдейтін, сапа мен экологиялық тазалық үстем жақтары саналған болашақ ғимараттарды құру сияқты ұзақ мерзімді стратегиялық мақсаттардың жүзеге шығуына жағдай жаратты, деп хабарлайды «Дунё» АА.
«KNAUF Group» - 1932 жылы негізі қаланған халықаралық отбасылық компания болып, штаб-пәтері Германияның Инхофен қаласында орналасқан. Ол құрылыс материалдарын шығаратын әлемдегі жетекші өндірушілердің бірі болып саналады. Компанияның 90-нан астам елде 300-ден астам өндірістік және сауда орындары бар. Ол сондай-ақ гипс өнімдерін, энергияны үнемдейтін оқшаулауды және толық оқшаулау жүйелері саласындағы жетекші өнім өндірушілердің бірі. 2023 жылы «KNAUF» тобының сауда көлемі 15,6 миллиард еуроға жетті және онда 42 мың 500 жуық қызметкер жұмыс істейді.
