Премьер-министрдің орынбасары Жамшид Ходжаев пен Грузия Премьер-министрінің орынбасары, Экономика және тұрақты даму министрі Леван Давиташвилидің төрағалығымен өткен жиналыста тиісті министрлік пен кеңселер, екі елдің іскер топ өкілдері қатысты.
Кездесуде инвестициялық, өнеркәсіп, сауда-экономикалық және мәдени-гуманитарлық салалардағы ынтымақтастықты одан әрі дамыту мәселелері талқыланды.
Үкіметаралық диалог аясында өзара тауар айырбастау көлемінің өсу қарқынының оң динамикасы атап өтілді. Соңғы 6 жылда екі ел арасындағы сыртқы сауда айналымы екі есеге өсті. Өткен жылдың өзінде Өзбекстан мен Грузия арасындағы тауар айналымының көлемі 30 пайыздан астам өсті. Тараптар алдағы жылдары сауда көлемін 500 миллион долларға жеткізуге келісті.
Осы мақсатқа жету үшін екі апта мерзімде өзара сауда миссияларын, сондай-ақ екі елдің өнеркәсіп өнімдерінің көрмелерін ұйымдастыру іс-шараларын қамтитын 2023-2024 жылдарға арналған сауда-экономикалық ынтымақтастықты одан әрі тереңдету жөніндегі іс-жүзіндік іс-шаралар жоспарын әзірлеу және бекіту ұсынылды.
Аумақаралық қарым-қатынастарды нығайту туралы айта келе, Грузия мен Өзбекстанның барлық аймақтарын біріккен жобалар мен бастамаларға тарту арқылы ынтымақтастықты дамытуға ерекше назар аударылды. Осыған байланысты бірінші кезеңде Самарқант пен Батуми, сондай-ақ Бұхара мен Мтсхета арасында екіжақты серіктестік байланысты орнату ұсынылды.
Тараптар өнеркәсіптік кооперацияны жолға қоюдың өзектілігін, оның аясында алдыңғы қатарлы фармацевтикалық өнімдерді, дайын ауыл шаруашылығы өнімдерін, минералды тыңайтқыштарды, сондай-ақ алкоголь өнімдерін өндіру бойынша кластерлерді құруда біріккен жобаларды іске асыру мүмкіндігін қарастырды.
Іс-шарада көлік-логистика саласындағы ынтымақтастықты дамытуға, атап айтқанда, Баку-Тбилиси-Карс көлік дәліз мен Грузияның дамыған Қара теңіз портының инфрақұрылымынан кейінен пайдалануға ерекше назар аударылды.
Шараның қорытындылары бойынша бірқатар екіжақты құжаттар, сонымен қатар жиналыстың Қорытынды хаттамасы, Өзбекстан Республикасы Үкіметі мен Грузия Үкіметі арасындағы техникалық жақтан реттеу, стандарттау, метрология және сәйкестікті бағалау саласындағы ынтымақтастық туралы Келісім, сондай-ақ Өзбекстан Республикасының Дүниежүзілік сауда ұйымына (ДСҰ) қосылуы аясында Грузия мен Өзбекстан Республикасы арасында тауарлар мен қызметтер базарына шығу бойынша екіжақты келіссөздерді аяқтау туралы Хаттамаға қол қойылды, деп хабарлайды Инвестициялар, өнеркәсіп және сауда министрлігі хабарлады.
