Жан-жақты стратегиялық серіктестікті нығайтуға бағытталған құжаттарға қол қойылды

    Билік 15 Sentabr 2022 4126

    Өзбекстан Республикасы Президенті Шавкат Мирзияев пен Қытай Халық Республикасының Төрағасы Си Цзиньпин арасындағы нәтижелі келіссөздерден кейін екіжақты маңызды құжаттар топтамасына қол қойылды.

    Мемлекет басшылары Бірлескен мәлімдемеге қол қойды. Онда негізгі уағдаластықтар атап өтіліп, жан-жақты стратегиялық серіктестіктің қазіргі жағдайы мен оны нығайту перспективалары көрсетілген.

    Жоғары деңгейдегі сапар аясында 15 құжатқа қол қойылды. Оның ішінде:

    • «Жасыл» даму саласындағы инвестициялық ынтымақтастық туралы меморандум;
    • Цифрлық экономика саласындағы инвестициялық ынтымақтастықты нығайту туралы меморандум;
    • пайдалы қазбаларды пайдалану саласындағы ынтымақтастық туралы меморандум;
    • сыбайлас жемқорлықтың алдын алу және оған қарсы күрес саласындағы ынтымақтастық туралы меморандум;
    • Құрылыс саласындағы ынтымақтастық туралы меморандум;
    • 2022-2025 жылдарда мәдени алмасу бағдарламасы;
    • Ұлттық ақпарат агенттіктері арасындағы ынтымақтастық туралы келісім;
    • Самарқанд облысы мен Шаньдун провинциясы арасында әріптестік қарым-қатынас орнату туралы келісім;
    • Ташкент облысы мен Чунцин мегаполисі арасында әріптестік қарым-қатынас орнату туралы келісім;
    • Бұхара облысы мен Юньнань провинциясы арасында әріптестік қарым-қатынас орнату туралы келісім;
    • Бұхара мен Куньмин қалалары арасында әріптестік қарым-қатынас орнату туралы келісім.

    Сондай-ақ жалпы құны 15 миллиард долларды құрайтын сауда-экономикалық және инвестициялық ынтымақтастық туралы келісімдерге қол қойылды.

    No date selected
    July 2024
    1
    2
    3
    4
    5
    6
    7
    8
    9
    10
    11
    12
    13
    14
    15
    16
    17
    18
    19
    20
    21
    22
    23
    24
    25
    26
    27
    28
    29
    30
    31
    Use cursor keys to navigate calendar dates