Жарлыққа сәйкес, 2026/2027 жылдардағы жылыту маусымында, яғни 2026 жылғы қараша айында төмендегі санаттарға жататын отбасыларға 1 миллион сум мөлшерінде біржолғы материалдық көмек көрсетіледі:
Әлеуметтік реестрге енгізілген отбасыларға;
«махалла жетілігі» қорытындысы негізінде Әлеуметтік реестрге енгізілмеген, алайда әлеуметтік-экономикалық жағдайы бойынша Реестрге енгізу өлшемдеріне сәйкес келетін отбасыларға, оның ішінде:
отбасының әрбір мүшесіне шаққандағы табысы ең төменгі тұтыну шығындарының 2 еселенген мөлшерінен аспайтын отбасыларға;
орталықтандырылған жылыту жүйесіне қосылған көпқабатты тұрғын үйлерде тұратын отбасыларға. Бұл ретте, аталған отбасылардың әрбір мүшесіне шаққандағы орташа айлық табысы Қарақалпақстан Республикасында және облыстарда ең төменгі тұтыну шығындарының 2 еселенген мөлшерінен, ал Ташкент қаласында 3 еселенген мөлшерінен аспауы тиіс;
тұрақты жұмыс орындарын құру және халықтың табысын арттыру жөніндегі аудандық (қалалық) штабтардың қаулысына орай, әрбір отбасы мүшесіне шаққандағы орташа айлық табысы жоғарыда көрсетілген өлшемдерден асып кеткен кейбір мұқтаж отбасыларға да материалдық көмек беріледі.
Сондай-ақ өзге адамдардың күтіміне мұқтаж, жалғыз тұратын азаматтар мен жалғызбасты қарттар және мүгедектігі бар адамдар тізімдегі азаматтарға, сонымен бірге жетім және ата-анасының қамқорлығынсыз қалған балалар тұратын отбасыларға да 1 миллион сум көлемінде біржолғы материалдық көмек бөлінеді.
