Сонымен, бұл аурудың пайда болуының ең негізгі факторлары қандай? Оның белгілері қандай?

Бұл сұрақтарға жоғары санатты дәрігер Равшанбек Умаров жан-жақты жауап берді.

— Бронхтың қабынуы (бронхит) жоғарғы тыныс жолдарының ең көп кездесетін ауруы, — дейді маман. — Оның өткір және созылмалы түрлері ерекшеленеді.

Көбінесе ауа райының өзгеруі, иммунитеттің әлсіреуі, жаман әдеттерге бой алдыру (ішімдік ішу, темекі шегу) және түрлі зиянды заттар (газ, шаң, күшті эфир майлары) тыныс арқылы ішке жұту сияқты жағдайлар көмей мен кеңірдек немесе трахеяны зақымдап, өкпеге таралады. Нәтижесінде бронхит пен туберкулез пайда болады.

Аурудың өткір түрінде науқас әлсірейді, бұлшықеттері қатаяды. Жөтел пайда болады. Кеуде жағы қысылып ауырады. Біраз уақыттан кейін оған тұмау да қосылады, ал кейбір жағдайларда дене температурасы көтерілуі мүмкін.

Сонымен қатар, науқас үнемі жөтеліп, ірің аралас қақырық шығарады. Егер бронхит толық емделмесе, ауру ұзаққа созылады, созылмалы болып, ауыр асқынулар болады.

Гайморит, отит және туберкулез аурулары көп жағдайларда бронхиттің қайталауы салдарынан туындайды. Жүрек-тамыр тамыр жүйесімен ауыр проблемалары бар және қуатан қалған науқастарда бронхитке байланысты шағын бронхтар да зақымдалады.

Ауру дамыған кезде науқастың қызуы көтеріледі, ауа жетіспейді, әлсірейді. Сондай-ақ ерні көгеріп, жиі жөтеледі, діңкелейді. Іріңді қақырық тастап және кеудеде ауырсыну тұрады. Тіпті өкпеде ұсақ көпіршік ылғалды, құрғақ сырылдар естіледі.

Сонымен қатар тыныс алу баяулайды, тамыр соғуы жиілейді, жүректің соғуы естіледі. Тіпті бронхтардың қабырғалары мен айналасындағы тіндер зақымдалғады. Бұл жағдайда науқастар дереу ауруханаға жатқызылуы қажет.