Балаларды мемлекеттік мектепке дейінгі білім беру ұйымдарына қабылдау Министрлер Кабинетінің 2018 жылғы 28 марттадағы 244-санды қаулысымен бекітілген Әкімшілік регламентіне сәйкес жүзеге асырылады. Осыған орай, кезекке тұру кезінде төмендегі санаттағы балалар жеңілдетілген тізімге енгізіледі:
Атап айтқанда, I және II топтағы мүгедектігі болған тұлғалардың балалары, көп балалы отбасы перзенттері, жетім немесе ата-анасының қамқорлығынсыз қалған балалар жеңілдікті пайдаланады.
Сондай-ақ, қуғын-сүргін және зорлық-зомбылықтан жәбірленген тұлғалардың балалары, «Әлеуметтік қорғаудың бірыңғай реестріне» және «Аз қамтылған отбасылар тізіліміне» енгізілген отбасылардың балалары да осы тізімге енгізілген.
Сонымен қатар, «Әйелдер дәптеріне» енгізілген жалғызбасты әйелдердің балалары, келісімшарт бойынша қызмет ететін әскери қызметкерлердің балалары, ішкі істер және кеден қызметкерлерінің перзенттері, студенттер мен оқытушылардың балалары да жеңілдік санатына жатады.
Сондай-ақ осы мектепке дейінгі білім беру ұйымында аға-әпкелері тәрбиеленіп жатқан балаларға, сондай-ақ мамандандырылған МДҰ-дан сауыққаннан кейін жалпы үлгідегі балабақшаға ауыстырылатын балаларға басымдық беріледі.
Ең маңызды мәселе, жетім және ата-анасының қамқорлығынсыз қалған балалар мемлекеттік мектепке дейінгі білім беру ұйымдарына кезекке қойылмай орналастырылады. Орналастыруды тікелей «Инсон» әлеуметтік қызмет көрсету орталықтарының әлеуметтік қызметкерлері немесе баланың заңды өкілдері жүзеге асырады.
Бұл жеңілдіктер әлеуметтік қорғауды қажет ететін балаларға басымдық беруге, қиын отбасылық жағдайдан шыққан балаларға тең мүмкіндіктер жасауға, мемлекеттік қолдауды нақты мұқтаж санаттағыларға бағыттауды мақсат еткен.
