Жоғары мәртебелі мейман Мемлекет басшысына Қытай Халық Республикасының Төрағасы Си Цзиньпиннің сәлемі мен ізгі тілектерін жеткізді.
Кездесу барысында жоғары деңгейде қол жеткізілген уағдаластықтарға сәйкес, Өзбекстан мен Қытай арасындағы көпқырлы ынтымақтастық пен іс жүзіндегі серіктестікті одан әрі кеңейту мәселелері талқыланды.
Соңғы жылдары Өзбекстан мен Қытай арасындағы достық және барлық бағыттағы жан-жақты стратегиялық серіктестік қарым-қатынастары жоғары деңгейге көтерілгені ерекше атап өтілді.
Өзара тауар айналымы мен инвестиция көлемі тұрақты өсіп келеді, экономика саласындағы бірқатар ірі қытайлық компаниялардың қатысуымен бірлескен жобалар мен кәсіпорындар саны артуда.
«Қытай–Қырғызстан–Өзбекстан» теміржолының құрылысы бойынша нақты жұмыстар жүргізілуде.
Аймақаралық байланыстар мен мәдени-гуманитарлық алмасулар жоғары бағаланды. Биылғы жылы кезекті Өңірлер форумы және Білім беру форумы өтеді.
Парламентаралық және партияаралық ынтымақтастықты, әсіресе, кедейлікті азайту, сыбайлас жемқорлыққа қарсы күрес, цифрландыру мен индустрияландыру салаларында кеңейту қажеттігіне ерекше назар аударылды.
Сонымен қатар, жоғары және кәсіби білім беру саласындағы серіктестікті дамыту, атап айтқанда, Өзбекстанда Қытайдың жетекші жоғары оқу орындарының филиалдарын ашудың маңыздылығы сөз болды.
