Байқау миссиясының басшысы Сергей Лебедевтің айтуынша, сайлау үдерісі Өзбекстан Конституциясы мен Сайлау кодексінің талаптарына толық мойынсұнылған жағдайда жүргізілді. Демократиялық сайлау белгілі қағидаттарға толық жауап берді.
«Сайлау тәртіпті түрде, халықаралық стандарттар мен нормаларға сәйкес өтті. Сайлау учаскелері барлық сайлау материалдарымен, кандидаттар туралы мәліметтермен, ақпараттық материалдармен қамтамасыз етілген. Бұл әрине, сайлаушыларға қосымша мүмкіндіктер туғызды. Тағы бір маңызды жаңалық - сайлаушылардың электронды тізімі өте нақтылықпен қалыптастырылған.
Бұрынғы сайлауларда, тек Өзбекстанда ғана емес, басқа елдерде де сайлау учаскелерін анықтау мен тіркеу сайлаушыларға айтарлықтай қолайсыздықтар туғызатын еді. Бұл сайлауда аталмыш мәселелер жойылды. Әрбір сайлаушы тиісті сайлау учаскесіне бекітілген. Мұнда техникалық жақтары да мақтауға тұрарлық”, деп айтылуда.