Заңмен мемлекеттің қарызы және оған қызмет көрсету шығындарының үстемдігі, мемлекет қарызының шектелген көлемдері, мемлекет үкіметі мен басқару органдарының мемлекеттік қарызын басқару өкілеттерін белгілеу көзделген.
Сондай-ақ, заң жобасын әзірлеуде мемлекеттік қарызды басқаруға парламенттік және қоғамдық бақылауды орнатудың тиімді біртұтас жүйесін жасауға баса назар аударылады.
Заңда мемлекет қарызы сомасының жалпы ішкі өнімге қарағанда ең жоғары мөлшері 60 пайыздан аспауы керек, мемлекеттік қарыз есебінен тек әлеуметтік және инфрақұрылымдық жобаларды қаржыландыруға болатыны көрсетілген.
Заң нормаларына сәйкес мемлекет қарызын басқару саласындағы Өзбекстан Республикасы Президентінің, Олий Мажлис палаталарының, Есеп палатасының, Министрлер Кабинетінің, Орталық банктің және Қаржы министрлігінің өкілеттері белгіленуде.
Атап айтқанда, Қаржы министрлігі мемлекеттік қарызды басқару бойынша құзыретті орган ретінде белгіленді.
Мемлекеттік қарыз және мемлекеттің шартты міндеттемелері бойынша әрекеттерін басқару, мемлекеттік қарызды басқарудың негізгі қағидаттары, мақсаттары мен стратегиясы, сондай-ақ мемлекеттік қарыз бойынша міндеттемелерді уақтылы және толық орындалуы, мемлекеттік қарызды тұрақты деңгейде ұстауға бағытталған нормалар нақты айқындалған.
Сонымен қатар, Заңда мемлекеттік кепілдікті беру тәртібі, мемлекеттік кепілдік берілмейтін жағдайлар, қарыз алушы-резиденттердің міндеттемелері, мемлекеттік кепілдікті жою туралы ережелер көрсетілген.
Белгілі болғандай, мемлекеттік қарыз бойынша міндеттемелердің уақытылы және толық орындалуы Өзбекстан Республикасының қарыз алушы ретіндегі сенімін арттыруға ықпал етеді, бұл өз кезегінде қажетті қаржының қалыпты тартуға ықпал етеді.
Мемлекеттік қарыз туралы мәліметтер және осыған байланысты үдерістер туралы азаматтарды толық ақпараттандыру тәртібі де Заңда көрсетілген.
Осы мақсатта, Қаржы министрлігі мемлекеттік қарыздың жағдайы мен оның өзгерістері туралы ақпаратты жыл сайын өзінің ресми веб-сайтында орналастыруды ұйғарды.
Мемлекеттік қарыз туралы ақпараттың ашықтығы мен жариялылығын қамтамасыз етуге бағытталған заңды сенаторлар мақұлдады.
Өзбекстан Республикасы Олий Мажлисі Сенатының Ақпарат қызметі.
