Сол себепті Мемлекет басшысының 2022 жылғы 17 майда қол қойған «Медициналық мекемелердің қызметкерлерін материалдық қолдап-қуаттау мен ынталандыруды күшейту іс-шаралары туралы» Жарлығында басқа аумақтадан Тахтакөпір, Шымбай, Қараөзек, Бозатау, Шоманай, Қоңырат адандарына барып істейтін дәрігерлердің әр айлық қызмет жалақысына 100 пайызы, Мойнақ ауданында 200 пайыз көлемінде қосымша үстемеақы төлеу белгіленген.

– Мойнақта 6 емдеу-профилактикалық мекеме мен 2 махалла медициналық пункті жұмыс істейді, – дейді аудандық медицина бірлестігі басшысының орынбасары Жамила Давлетова. — Оларда жұмыс істейтін сала қызметкерлері саны 511 адам болса, соның 59-ы дәрігер. Осы мамандар арасында Президент Жарлығы негізінде өзге өңірлерден келіп жұмыс істеп жүрген 12 дәрігер бар.

Мойнаққа көрші Хорезм облысынан, Самарқант, Ташкент, Ферғана, Әндіжан облыстарынан келіп істейтін дәрігерлер де бар.

– Бұл жерге келгеніме 3 айдан асты, – дейді хорезмдік Зулхумор Рахимова. — Аудандық жедел жәрдем бөлімінің қабылдау бөлімінде терапевт-дәрігер болып жұмыс істеймін. Бір күнде орта есеппен 15-20 науқас жүгінеді. Олардың көпшілігі жоғары қан қысымы, асқазан-ішек және бүйрек аурулары бойынша шағымданады. Біз белгіленген стандарттар негізінде науқастардың денсаулығын жақсарту шараларын қараудамыз.

Басқа аумақтардан келіп жұмыс істейтіндердің қатарында педиатр, анестезиолог-реаниматолог, хирург, уролог және терапевт сияқты мамандыққа ие дәрігерлер, олар мойнақтықтарға сапалы медициналық қызмет көрсетуде жергілікті дәрігерлерге көмек беруде.