Іскерлік миссияның негізгі мақсаты – өзара тәжірибе алмасу, болашақ жобаларды зерделеу және бұрғылау және ұңғымаларды күрделі жөндеуді жүзеге асыру бойынша кооперативтік байланыстарды орнату, сала қызметкерлерінің біліктілігі мен білімін жетілдірудегі ынтымақтастықты жолға қою болып табылады.
Сапар бағдарламасы аясында Тюмень облысының Сауда-өнеркәсіп палатасы, Мұнай-газ кластері бірлестігі, Экспортты қолдап-қуаттау орталығының өкілдері қатысуымен ашық диалогтар өтті.
Кездесулерде 20-ға жуық компания мен мекемелермен сауда-экономикалық ынтымақтастықтың болашағы және мұнай-газ өнеркәсібінде импорттың орнын басатын тәжірибесі талқыланды. Компаниялардың өндірістік кәсіпорындары мен оқу орындарына бару ұйымдастырылды.
«Узбекнефтгаз» АҚ мен Тюмень облысының үкіметі мен кәсіпкерлері арасында тәжірибе алмасу бойынша ұсыныстар алға тартылды.
Миссия соңында инновациялық жобалар бойынша өзара тәжірибе алмасу, кадрларды қайта даярлау, импорт жасалатын өнімдер мен қызметтерді жергіліктендіру сияқты бағыттарда алғашқы келісімдерге қол жеткізілді, деп хабарлайды «Узбекнефтгаз» АҚ баспасөз қызметі.
