Келіссөздер барысында құрамдық реформалар өткізу саласындағы екіжақты ынтымақтастықты тереңдету, жүзеге асырылып жатқан жобаларды ілгерілету және инвестициялық әріптестікті одан әрі дамыту мәселелері талқыланды.

Өзбекстанның АИИБ-мен ынтымақтастығы 2016 жылы басталғанына қарамастан, қысқа мерзімде әлеуметтік-экономикалық және инфрақұрылымдық дамуды ілгерілетуге бағытталған ауқымды жобаларды жүзеге асыруда еліміздің стратегиялық серіктесіне айналғаны атап өтілді. Қазіргі уақытта жобалар қоржынында инфрақұрылымды жаңғырту, шағын және орта бизнес пен экспорттаушыларды қолдап-қуаттау, денсаулық сақтау және ауылдық елді мекендердің өмір сүру жағдайын жақсарту сияқты 932,7 миллион ​​АҚШ долларын құрайтын 9 жоба бар.

АИИБ басшылығы жүзеге асырылып жатқан жобаларды ілгерілету бойынша жұмысты жандандыруға және ағымдағы жылы бекітілуі күтілетін жаңа жобаларды қарау үдерісін жеделдетуге дайын екенін білдірді.

Сондай-ақ тараптар ынтымақтастықты одан әрі кеңейтуде ұсыныстар бойынша пікір алысты. Болашағы зор бағыттар ретінде энергетика, автомобиль жолдарын салу және қайта құру, темір жолдарды электрлендіру, сумен жабдықтау және кәріз су желілерін жаңғырту және кеңейту, сондай-ақ қала инфрақұрылымын кешенді дамыту міндеттері белгіленді.

Өзбекстан мен АИИБ арасындағы ынтымақтастықтың басым бағыттарын, нақты жобаларды және оларды жүзеге асыру мерзімдерін белгілейтін 2023-2025 жылдарға арналған Серіктестік бағдарламасын қалыптастыру бойынша бірлесіп жұмыс істеуге келісілді.

Сондай-ақ АИИБ басшылығының қатысуымен өтетін кең ауқымды халықаралық іс-шараларға, соның ішінде ағымдағы жылдың март айында өтетін Ташкент халықаралық инвестициялық форумына және 2024 жылы Самарқант қаласында Басқарушылар Кеңесінің жыл сайынғы жиналысына тоқталды. Банк басшылығы аталған іс-шараларды ұйымдастыру және ілгерілетуде тығыз жұмыс істеуге ниетті екенін білдірді, деп хабарлайды Инвестициялар және сыртқы сауда министрлігінің баспасөз қызметі.